Impressiuns dal di d'avertura - Finalmain puspè avert suenter il lockdown
Suenter passa in mais dastgan manaschis sco coiffeurs, saluns da cosmetica e massascha, orticulturas, flurists e manaschis da construcziun puspè avrir lur portas. RTR ha visità divers manaschis durant lur di d'avertura.
Dapi ils 16 da mars èn bleras fatschentas serradas. Uss suenter passa in mais pon ils emprims manaschis puspè avrir. Beneventar clientella e quai cun tegnair en tut las mesiras da distanza ed igiena è dentant ina sfida.
Blera glieud a Schluein
Durant il temp da corona fan blers urden enturn ed en chasa – e vegnan creativs. Perquai è la Landi a Schluein in lieu popular. Là è gia blera glieud vegnida gia la bun'ura per far las cumpras per curtin, iert e perchasa. Il percadi è stà emplenì bain.
audio
Avertura Landi a Schluein
04:19 min, ord Actualitad dals 27.04.2020.
laschar ir. Durada: 4 minutas 19 Secundas.
Betg mo a Schluein, er en auters lieus stat la glieud en colonna:
Temp da primavaira e temp da corona è il mument perfetg per far iert. La giardinaria da Elisa Bonorand-Müller a Susch ha er pudì avrir sias portas. Tenor ella gist in bun mument, cura ch'ins po cumenzar a far iert e curtin en l'Engiadina. La bun'ura n'hai dentant anc dà naginas colonnas en l'orticulura a Susch.
audio
Avertura giardinaria d'Elisa Bonorand-Müller a Susch
05:35 min, ord Actualitad dals 27.04.2020.
laschar ir. Durada: 5 minutas 35 Secundas.
1 / 4
Legenda:
Vid preparar la giardinaria.
RTR, Georg Luzzi
2 / 4
Legenda:
Tut è pront per la clientella.
RTR, Georg Luzzi
3 / 4
Legenda:
Las flurs prontas per la clientella
RTR, Georg Luzzi
4 / 4
Legenda:
RTR, Georg Luzzi
Quasi sco adina
Er Patric Müller po puspè avrir sia butia da flurs a Cuira. Sco el di n'hajan els betg da lavurar bler auter. I dettia in vaider tar la cassa e la clientella saja supplitgada da pajar cun carta. En la stizun n'èsi dentant betg stà in grond chatsch glindesdi avantmezdi cura che las portas èn puspè stadas avertas.
audio
Avertura da la butia da flurs da Patric Müller
03:41 min, ord Actualitad dals 27.04.2020.
laschar ir. Durada: 3 minutas 41 Secundas.
1 / 3
Legenda:
La butia da flurs da Patric Müller.
RTR, Anna Selina Quinter
2 / 3
Legenda:
Betg propi usità è il lavurar davos la paraid da vaider. Uschiglio saja dentant tut pli u main sco usità.
RTR, Anna Selina Quinter
3 / 3
Legenda:
Patric Müller en sia butia da flurs a Cuira.
RTR, Anna Selina Quinter
Avert – ma po betg vender tut
Er la stizun Zinsli che venda products da ferramenta e perchasa a Glion ha puspè pudì arvrir. Dentant n'è la vendita betg uschia sco usitada. La part da la stizun che venda rauba da tegnair chasa sto restar serrada. Co quai funcziuna:
audio
Avertura da la butia Zinsli a Glion
02:59 min, ord Actualitad dals 27.04.2020.
laschar ir. Durada: 2 minutas 59 Secundas.
1 / 3
Legenda:
La stizun da Zinsli a Glion. Tschertas partiziuns na pon anc betg avrir.
RTR, Reto Pfister
2 / 3
Legenda:
RTR, Reto Pfister
3 / 3
Legenda:
Andreas Muoth il schef da la partiziun da l'agricultura. Fin venderdi n'ha el anc betg savì sch'el po avrir.
RTR, Reto Pfister
Tagliar chavels cun guants e mascra
Finalmain puspè laschar tagliar chavels. Tgi che n'ha betg fatg l'experiment da tagliar sez a chasa ils chavels – u quels che n'han forsa betg ch'è gartegià han gia fatg lur termins tar ils coiffeurs. Betg da smirvegliar ch'i dat bler da far per ils coiffeurs suenter il lockdown. Tegnair en las mesiras da corona n'è dentant betg uschè simpel, quai mussa l'exempel da la coiffeusa Barbara Schwager a Cuira. Ella po be beneventar trais clienta a la giada ed ha in'agenda da termins pulit plaina.
audio
Avertura tar la coiffeusa Barbara Schwager a Cuira
05:42 min, ord Actualitad dals 27.04.2020.
laschar ir. Durada: 5 minutas 42 Secundas.
1 / 3
Legenda:
Il salun Mosaik a Cuira. Il dischinfectant na po betg mancar durant la crisa da corona.
RTR, Anna Selina Quinter
2 / 3
Legenda:
Barbara Schwager cun sia emprima clienta en ses salun Mosaik a Cuira.
RTR, Anna Selina Quinter
3 / 3
Legenda:
Tagliar chavels in pau auter, cun si mascras.
RTR, Anna Selina Quinter
Parcadi plain a Glion
Sper la Landi ha er il Coop Bau + Hobby da Glion puspè avert. Il temp da corona fa vegnir creativ. Ed in u l'auter entschaiva a zambregiar. Il parcadi è bain plain, ma colonnas n'haja anc nagina davant stizun.
audio
Avertura tar il Bau und Hobby a Glion
02:55 min, ord Actualitad dals 27.04.2020.
laschar ir. Durada: 2 minutas 55 Secundas.
La glieud s'allegra
Regula Giger ha er gì grond plaschair da puspè pudì beneventar la clientella en sia orticultura a Mustér. La bun'ura hajan els era gì blera glieud che saja vegnida. Cumpradas vegnian plantinas e flurs per far bel il curtin.
audio
Avertura da l'orticultura da Barbara Giger a Musteér
04:33 min, ord Actualitad dals 27.04.2020.
laschar ir. Durada: 4 minutas 33 Secundas.
1 / 5
Legenda:
RTR, Gionduri Maissen
2 / 5
Legenda:
Per sisum la Surselva èsi ussa gist il dretg mument per las plantinas.
RTR, Gionduri Maissen
3 / 5
Legenda:
RTR, Gionduri Maissen
4 / 5
Legenda:
L'orticultura Sampaguita da Regula Giger a Mustér.
RTR, Gionduri Maissen
5 / 5
Legenda:
Il plaschair è grond da puspè pudair avrir la stizun.
RTR, Gionduri Maissen
Quai è puspè lubì
Avrir la boxSerrar la box
Sut la cundiziun che las mesiras da protecziun vegnan resguardadas pon:
martgads da construcziun, centers d'orticultura, orticulturas e flurists puspè beneventar clients.
lavandarias d'autos, solariums, funs da flurs – pia endrizs per sa servir sez puspè avrir lur portas.
praticas da medis e dentists, fisioterapeuts sco er massaders puspè beneventar pazients.
coiffeurs, studios da cosmetica e da tattoos pon puspè far amogna lur servetschs.
ospitals pon puspè manar tras tuttas operaziuns – prendì il cas ch'i na dat betg in'autra ordinaziun dal chantun.
Ina schluccada datti er per l'organisaziun da sepulturas: La limitaziun sin in stretg circul famigliar è schlià. Sepulturas grondas en il ravugl da blers amis èn dentant anc adina scumandadas.
baselgias, moscheas e sinagogas per servetschs divins
Plinavant vala er vinavant in scumond d'entrar en Svizra, auter che nà dal Principadi da Liechtenstein – i dat excepziuns per persunas che vivan u lavuran en Svizra.
