Siglir tar il cuntegn

Header

video
Adversaris da l'Iniziativa per ina chatscha etica han lantschà il cumbat da votaziun
Or da Telesguard dals 28.04.2021.
laschar ir. Durada: 3 minutas 11 Secundas.
cuntegn

Iniziativa per chatscha etica Adversaris van en il cumbat da votaziun

Ils 13 da zercladur decida il suveran grischun davart l’iniziativa per ina chatscha etica e cumpatibla cun la natira. Uss sa furmeschan ils adversaris da l'iniziativa.

«Betg periclitar il guaud, la selvaschina e la chatscha»: Cun quai slogan han ils adversaris da l'iniziativa lantschà lur cumbat da votaziun. Tar ils adversaris tutgan tant commembers da l'Uniun chantunala da purs, l’Uniun da chatschaders e chatschadras da patenta, persunas ord la Federaziun forestala dal Grischun Selva sco er politicras e politichers da dretga fin sanestra.

Per tge vai insumma?

Avrir la box Serrar la box

Quest'iniziativa deriva da protecturs d'animals e vuless restrenscher la chatscha grischuna cun total nov puncts, tranter auter:

  • Proteger en general vatgas-tschierv e chauras-chavriel che portan e che han pitschens
  • Scumandar traplas per pigliar animals e scumandar da metter estga per carmalar animals
  • Scumandar da sajettar tut ils utschels che n'èn betg protegids tras la lescha federala
  • Introducir in paus d'enviern dal 1. da november enfin il cumenzament da la chatsch'auta
  • Per ir a chatscha valan limitas d'alcohol en il sang tenor las leschas davart il traffic sin via
  • Tar l'Uffizi chantunal da chatscha e pestga sco era en la cumissiun da chatscha ston esser represchentads a moda paritetica ils protecturs d'animals/chatschaders sco era nun-chatschaders.

Ils arguments principals

audio
Votaziun 13-06: Chatscha etica – ils arguments dals adversaris da l'iniziativa
ord Actualitad dals 17.05.2021.
laschar ir. Durada: 2 minutas 34 Secundas.

Tenor il comité saja l'iniziativa privlusa. Ella pericliteschia la chatscha grischuna sco ch'ins enconuschia ella per il mument. La chatscha grischuna resguardia oz gia autas pretaisas ecologicas, biologicas e da la protecziun d'animals. Vinavant scumandass l'iniziativa dad ir a chatscha suenter ils 31 d'october. Quai muntass dapli lavur per ils guardiaselvaschina che stuessian regular pli fitg ils animals.

In auter punct che disturba ils adversaris è la pretensiun ch'uffants sut 12 onns na dastgassan betg pli esser da la partida durant la chatscha. Qua stoppian ils geniturs sez decider per lur uffants.

Grond sustegn politic

Sustegn per ils adversaris datti er politicamain. Tant la Regenza Grischuna sco er il Cussegl grond recumondan da dir Na a l'iniziativa.

Ils aderents da l'iniziativa han avant bunamain duas emnas lantschà lur campagna – quai cun il slogan «Revoluziunar la chatscha».

«L'odissea» da l'iniziativa

Gia il 2016 ha il parlament chantunal tractà l'iniziativa. En trais puncts ha el dentant declerà l'iniziativa sco nunvalaivla. Ils iniziants han suenter fatg dus recurs: In emprim recurs tar la Dretgira administrativa chantunala. Pli tard hai anc dà anc in segund recurs tar il Tribunal federal a Losanna. Quel ha declerà tut l'iniziativa sco valaivla.

Dossier online

Avrir la box Serrar la box

Sin in clic tut las fatschentas federalas, chantunalas e communalas: rtr.ch/votaziuns

RTR novitads 12:00

Artitgels legids il pli savens