Siglir tar il cuntegn

Header

cuntegn

Interpresas e scolas Grond interess per tests da massa

En il Grischun frunta la strategia da far tests da massa sin grond interess. Ina gronda part da la populaziun, veglia contribuir en il cumbat encunter la pandemia, ha ditg Martin Bühler il schef dal stab directiv dal Grischun a la conferenza da medias dal BAG a Berna. Entant sa participeschian 95% da las scolas grischunas a la strategia da testar, tar las firmas sajan quai passa 1'100.

Ils tests hajan cleramain gì in effect sin il dumber dals cas. Sin basa dals tests preventivs, chattian ins numnadamain spert novs cas. Glindesdi hajan ins uschia pudì isolar immediat 33 persunas.

video
Bühler (Kanton GR): «Fallzahlen stagnierten im Februar»
Or da News-Clip dals 16.03.2021.
laschar ir

Las evaluaziuns vegnian anc fatgas, uschia Bühler. Il chantun ha prest 200'000 abitants ed il mument prest anc ina giada tants turists u visitaders. Durant il favrer avess il dumber d'infecziuns pia puspè stuì ir marcantamain ensi, quai n'è dentant betg capità. Pervi da la strategia da testar a moda activa vegnian blers cas chattads.

RTR novitads 16:00

Artitgels legids il pli savens

Scrollar a sanestra Scrollar a dretga