Siglir tar il cuntegn

Header

cuntegn

Runda d'experts Svilup da la pandemia ordvart intschert

Il svilup da la pandemia en Svizra è tenor l'Uffizi federal da sanadad il mument ordvart intschert. Il dumber da cas creschia vinavant ed i sa tschentia la dumonda sche la Svizra stettia avant la terza unda da corona, ha ditg Patrick Mathys avant las medias a Berna.

Las mutaziuns dal virus sajan dominantas, entant fetschian quellas ora 80% da las infecziuns. La valur R è actualmain tar 1,13. Uschia sa dublegiass il dumber da cas entaifer quatter emnas. Las vaccinaziuns sajan entant il factur-clav per il svilup. A partir dal matg, vegnia a dar marcantamain dapli vaccinaziuns.

video
Mathys: «Sco actualmain, sa dublegia il dumber da cas en 4 emnas»
Or da News-Clip dals 16.03.2021.
laschar ir

Patrick Mathys ha plinavant avertì ch'il sistem da sanadad pudess puspè vegnir surdumandà. Raschun è ch'il dumber da persunas viroladas tranter 50 fin 70 onns, saja relativamain pitschen.

RTR novitads 15:00

Artitgels legids il pli savens

Scrollar a sanestra Scrollar a dretga