Ils coming outs da persunas queeras daventan adina pli popularas e publicas, surtut sin las medias socialas. Tuttina n'è esser queer betg in trend. Il motiv perquai ch'ins vesa ed auda adina dapli da coming outs è che las persunas queeras sa ristgan adina dapli da mussar tgi ch'els èn.
Badar ch’ins è queer, quai po schabegiar en tut las differentas vegliadetgnas. Uffants, giuvenils en la pubertad, ma era pir suenter 50 onns. Perquai èsi impurtant da discurrer e tematisar adina puspè ils temas da la LGBTQ+.
Tematisar dapli na maina dentant betg tar in trend. Studis da l'Ollanda ch'èn vegnids fatgs durant 40 onns, mussan per exempel: che uffants da geniturs omosexuals n'èn betg pli savens omosexuals che uffants da geniturs eterosexuals.
