Durant il zercladur han lufs stgarpà almain 23 nursas e blessà 6 ulteriuras ch'ins ha stuì deliberar. Annunzias d'observaziuns dal luf hajan ins gì il zercladur 40 – quai en las regiuns Surselva, Alvra, Partenz-Tavau, Viamala, Moesa e Plaun.
L'Uffizi registrescha actualmain era 2 lufs crappads: En il Surses è in luf crappà vegnì chattà en la Gelgia l'entschatta zercladur ed en Surselva han ins chattà restanzas che pudessan esser d'in luf. L'analisa genetica è anc pendenta.
Total durant l'emprima mesadad dal 2021 han lufs stgarpà 44 nursas e 2 chauras. Quai è la mesadad dals cas da la medema perioda da l'onn passà.