La branscha da gastro vul in cumpromiss tar ils temps d'avertura. Il Cussegl federal duai mitigiar sias mesiras planisadas en connex cun corona. Il mardi saira aveva quel annunzià, da vulair serrar tranter auter ustarias davent da las 19:00. Els hajan discurrì cun la regenza grischuna ed er cun Gastro Svizra, ha ditg il president da Gastro Grischun, Franz Sepp Caluori, al schurnal regiunal da SRF.
audio
Franz Sepp Caluori da Gastro Grischun
ord RTR Audio dals 10.12.2020.
laschar ir. Durada: 9 Secundas.
Finamira saja da cuntanscher che las ustarias possian restar avertas fin las 21:00, uschia ch'i saja pussaivel da far la saira dus services. Vitiers stoppia il Cussegl federal er desister da vulair serrar las ustarias las dumengias. Sch'il Cussegl federal restia dentant tar ses plans, lura haja num cumbatter, ha manegià Franz Sepp Caluori.
