Curt e concis
- La via tranter Rueun e Tavanasa ha entant puspè pudì vegnir averta.
- Samignun n'è betg pli cuntanschibel pervia dal privel da lavinas.
- L'Engiadina Bassa è mo cuntanschibla sur il Veraina.
- La Val Müstair è sulet accessibla via il Tirol dal Sid.
Suenter in discurs cun la polizia chantunala da glindesdi en damaun regian cundiziuns invernalas sin las vias grischunas, quai vala era per la A13. Accidents plitost pitschens èn vegnids annunziads – cun donns da material. Tenor la polizia n'haja dentant dà nagins ferids.
Surselva
La via tranter Rueun e Danis ha entant puspè pudì vegnir averta. Il glindesdi a mezdi era la Surselva be pli da cuntanscher fin a Rueun. A Mustér n'èn pliras fracziuns betg cuntanschiblas. Territori abità è ni a Mustér ni en Tujetsch periclità.
La via tranter Mustér e Sumvitg è vegnida averta il glindesdi suenter las 16:00 fin las 18:00. Ord raschuns da segirtad vegn la via serrada durant la notg. La situaziun vegn il mardi a bun'ura evaluada da nov. La part sura da la Surselva è stada isolada dapi la dumengia saira. Anc adina serradas èn las vias da Rueun a Pigniu, tranter Versomi e Stussavgia ed en il Tujetsch il tschancun tranter Rueras e Dieni.
Lavina Matergia
Glindesdi a las 15.51 è la lavina da Matergia ida a val (video da Gerold Lutz).
Engiadina
En l'Engiadina Bassa, la Val Müstair ed il Samignun restan las vias fin almain mardi serradas. Uschia èn serradas las vias da Vinadi a Samignun, da Martina fin al cunfin cun l'Austria, dad Ardez a Ftan, tranter Brail e Susch sco er tranter Cinuos-chel e Brail. En l'Engiadina Bassa arrivan ins mo pli tras il tunnel dal Veraina e la Val Müstair è sulet accessibla via il Tirol dal Sid. Zernez è dentant puspè cuntanschibel.
Grischun central
En il Grischun central hai bain er dà ina massa naiv. Las vias han ins dentant betg stuì serrar.
Ulteriur Grischun
Era en l'ulteriur Grischun datti restricziuns da traffic; pliras vias èn serradas. Tranter auter è era la regiun da Tavau pertutgada. En il Partenz è la via d'access da Pany a St. Antönien serrada, sco era pliras vias localas.
-
Bild 1 von 37. Cuvertas da maisa natiralas. (Cuira). Bildquelle: RTR, Michel Decurtins.
-
Bild 2 von 37. In nov meteorolog? Bildquelle: MAD, Rita Tiri-Camenisch.
-
Bild 3 von 37. Er sin ils binaris ston ins rumir la naiv. Bildquelle: ANR, Flurin Andry.
-
Bild 4 von 37. Senza rumir naiv na vegn ins a Pardomat betg lunsch. Bildquelle: MAD, Monika Stadler.
-
Bild 5 von 37. Ils utschels han chattà in lieu per far cumadaivel. (Sedrun). Bildquelle: MAD, Daniel Wäger.
-
Bild 6 von 37. Zernez: In maletg sco or dals cudeschs. Bildquelle: MAD, Bettina Salutt.
-
Bild 7 von 37. A quels che rumeschan naiv a Breil na vegni oz betg lungurus. Bildquelle: RTR, Pauli Cavegn.
-
Bild 8 von 37. Er Scuol è alv. Bildquelle: RTR, Claudia Plouda.
-
Bild 9 von 37. Er en Sursaissa è la dunna Holla stada lavurusa. Bildquelle: MAD, Mathilda Derungs.
-
Bild 10 von 37. Autas paraids da naiv a Fuldera. Bildquelle: MAD, Sonja Hohenegger.
-
Bild 11 von 37. Il Pass dal Fuorn è serrà e la Val Müstair isolada vers la Svizra. Bildquelle: RTR, David Spinnler.
-
Bild 12 von 37. Ils collavuraturs dal Menzli Sport a Vuorz han rumì ina massa naiv. Bildquelle: MAD, Jan Tomaschett.
-
Bild 13 von 37. La naiv a Breil è bunamain medem auta sco Marina Schmed (1,65m). Bildquelle: MAD, Marina Schmed.
-
Bild 14 von 37. 150 cm naiv cuvran Fuldera. Bildquelle: MAD, Ariela Hohenegger.
-
Bild 15 von 37. Senza rumir naiv na datti oz nagins products dal funs. (Andiast). Bildquelle: MAD, Fidelia Cabalzar.
-
Bild 16 von 37. Las vias en Val Müstair èn serradas: Ils autos pon far ina pausa sut ina cuverta da naiv. Bildquelle: RTR, David Spinnler.
-
Bild 17 von 37. La chaplutta ad Andiast è bunamain ennavada. Bildquelle: MAD; Cecilia Vincenz.
-
Bild 18 von 37. hm, tge sa zuppa qua sut la cuverta da naiv a Scuol? Bildquelle: RTR, Georg Luzzi.
-
Bild 19 von 37. Il giat ha plaschair da la blera naiv. (Trun). Bildquelle: MAD, Rita Tiri-Camenisch.
-
Bild 20 von 37. Tgi che va da viadi a Trun vesa bler alv ed in pau grisch. Bildquelle: RTR, Angela Hendry.
-
Bild 21 von 37. Da la saiv na vesan ins a Ramosch nagut pli. Bildquelle: RTR, Luzzi Georg.
-
Bild 22 von 37. Da la terrassa na vesan ins a Sevgein betg pli bler. Bildquelle: RTR, Alice Bertogg .
-
Bild 23 von 37. Sin 1'800 meters sur mar (Tussagn) avevan ins gia la dumengia da spalar avant che avrir la porta. Bildquelle: RTR, Federico Belotti.
-
Bild 24 von 37. Per ch'els che han da rumir naiv en Surmeir èsi plitost paun da mintgadi. Bildquelle: RTR, Federico Belotti.
-
Bild 25 von 37. Ad Andiast vegn la naiv bunamain en da cuschina. Bildquelle: MAD, Emerita Sgier.
-
Bild 26 von 37. Chasa d'utschels cun naiv u naiv cun chasa d'utschels? (Lavin). Bildquelle: MAD, Marta Padrun.
-
Bild 27 von 37. La Dunna Holla na chala betg... (Trun). Bildquelle: RTR, Gion Gieri Flepp.
-
Bild 28 von 37. A Susch è tut alv. Bildquelle: MAD, Ramiro Menghini.
-
Bild 29 von 37. Dal chamin na vesan ins betg pli bler. (Mustér). Bildquelle: RTR, Gion Hosang.
-
Bild 30 von 37. Tgi che è a Mustér resta a Mustér. Bildquelle: RTR, Gion Hosang.
-
Bild 31 von 37. Er la Viafier charrescha mo limitadamain. Bildquelle: RTR, Flavio Bundi.
-
Bild 32 von 37. A Fuldera avainsa actualmain 150 cm naiv. Bildquelle: MAD, Sonja Hohenegger.
-
Bild 33 von 37. Gronda cuvertas da naiv a Falera. Bildquelle: RTR, Selina Chistell.
-
Bild 34 von 37. Bleras vias ston serrar, per part èn ils vitgs isolads. Bildquelle: RTR, Armon Schlegel.
-
Bild 35 von 37. Forsa che l'in u l'auter sto rumir naiv avant ch'ir a la lavur. (Trin). Bildquelle: RTR, Sandro Spreiter.
-
Bild 36 von 37. Oz n'èsi betg aura da far bogn al Lag da Cresta. Bildquelle: RTR. Sandro Spreiter.
-
Bild 37 von 37. Oz sa decidan ins meglier per la mondura d'enviern... Bildquelle: RTR, Claudia Cathomen.
Meds da transport publics
Causa il privel da lavinas na curseschan er ils trens da la Viafier retica per il mument per part betg. Uschia na datti tranter Glion e Mustér nagins trens. Da Glion fin Sumvitg van bus da reserva, fin Mustér n'è quai dentant betg pussaivel. Tranter Scuol e Cinuos-chel Brail resta ils traject vinavant serrà, bus da reserva van tranter Scuol e Sagliains, dentant be fin las 19.30. Tanter Landquart e Claustra curseschan ils trens tenor urari. Anc fin las 19.30 datti per viagiaturs en l'Engiadina ina colliaziun tras il Vereina fin a Saglians. Ils trajects da Filisur a Tavau sco er da Cuira ad Arosa restan serradas tut il di. Sco la Viafier retica communitgescha pon quests dus trajects puspè vegnids averts il mardi a bun'ura. Viagiants ston en mintga cas far quint cun gronds retards.
Situaziun actuala
Svizra - Anc dapli naiv en las Alps
Pervi da la blera naiv e la situaziun tendida da lavinas n'è suenter Zermatt dapi dumengia saira era Andermatt betg pli cuntanschibel ni sin via ni cun la viafier.
La vischnanca da Zermatt appellescha a tut las persunas da restar pervi dal privel da lavinas en lur chasas u da betg bandunar il center dal vitg. Il mument desist'ins era da sgols da helicopter en ils lieus betg cuntanschibels sin via u cun la viafier. Ils sgols da transport sajan stritgads pervi da la schletta vista e lavinas da pulvra, hai num sin la pagina d'internet da Zermatt Turissem.
Tenor il responsabel per privels da la natira dal Vallais spetgan els oz in di privlus per il chantun.
Fin mardi en damaun quinta SRF Meteo cun anc bler dapli naiv en las Alps. Il Vallais e las regiuns en il nord da las Alps ston spetgar 50 fin 80 centimeters. En intgins territoris hai dà fin uss gia fin a trais meters naiv. Entant crescha en la Bassa il privel d'inundaziuns e da bovas.
RR novitads 06:00