Siglir tar il cuntegn

Header

audio
Las novas prescripziuns da pestga per il 2020
Or da Actualitad dals 01.05.2020.
laschar ir. Durada: 02:13 minutas.
cuntegn

Novas prescripziuns da pestga Be 60 peschs ad onn

Auter ch'usità è la pestga 2020 gia ida libra il prim da favrer. Quai dentant be en parts dal Rain. Quai n'è betg la suletta midada per pestgaders e pestgadras.

Auas e tschertas spezias da peschs en il Grischun èn sut squitsch. Quai hajan diversas retschertgas mussà, ha ditg Adrian Arquint, manader da l'Uffizi chantunal da chatscha e pestga. Ils motivs sajan tranter auter la midada dal clima u er il niz da l'aua. Per proteger meglier ils peschs, ils flums, auals e lais ha il chantun perquai adattà las prescripziuns da pestga. Dapi il prim da favrer valan questas novas reglas:

  • stagiun pli lunga: a partir dal prim da favrer en tschertas parts dal Rain e enfin la fin october en ils lais
  • dumber da peschs or dal flum è limità sin 60
  • i dat nagins dis da protecziun pli
  • restricziuns tar las mesiras: lubids en be peschs tranter 26-34 cm, tut tenor aua e regiun valan dentant in zic autras mesiras

Cun questas novas prescripziuns vul il chantun chattar l'equiliber tranter protecziun da peschs ed auas ed ina pestga attractiva.

Auas grischunas

Aual en Grischun
Legenda:Keystone
  • Grischun ha 11'000 km flums ed auals, en 1'700 km hai peschs
  • 600 lais, en 250 da quels èsi da chattar peschs
  • en Grischun datti 34 spezias peschs e 2 spezias giombers (la mesadad da quellas spezias èn raras)
  • litgivas, litgivas d'aual e salmelins da lai èn las spezias las pli derasadas

RTR actualitad 07:00

Artitgels legids il pli savens

Scrollar a sanestra Scrollar a dretga