Dapi quest venderdi na ston ils cussadents e las cussadentas betg pli purtar mascrina - sch'els èn vaccinads cunter corona u betg. Quai ha la media chantunala Marina Jamnicki ditg avant las medias. Damai ch'ina gronda part da las cussadentas sajan vaccinadas, ristgia il chantun quest pass.
Vinavant purtar mascrina sto il persunal da las chasas d'attempads e da tgira grischunas. Da far visitas è puspè pussaivel senza restricziuns – l'obligatori da mascrina per ils visitaders resta dentant.
