Siglir tar il cuntegn

Header

audio
Occurrenzas grondas: Co tuni tar organisaturs ed organisautras en GR?
Or da Actualitad dals 30.04.2021.
laschar ir. Durada: 03:22 minutas.
cuntegn

Organisaturs grischuns Speranza ma tuttina anc segns da dumonda

Davent dal zercladur duain occurrenzas cun maximalmain 3'000 persunas puspè esser pussaivlas. Davent dal settember perfin talas cun 10'000 persunas. Quai sche la situaziun epideomoligica lubescha. Bler organisaturs da eveniments gronds en il Grischun restan dentant precauts.

Organisaturas ed organisaturs èn bain leds ch'i dat tut tenor puspè dapli pussaivladads la stad per occurenzas grondas. Uschia spera p. ex. ils organisturs dal «Städtlifest» a Glion ch'els possian manar atras la festa che carmala en dus dis 10'000 persunas. Quai che fa dentant mal il venter èn las prescripziuns puncto segirtad. Controllar che las persunas sajan vaccinadas, testadas negativ u infectadas e guaridas, saja ina gronda sfida. Quai conferma er la presidenta dal comité d'organisaziun da l'openair Stussavgia. Els stoppian anc ponderar sch'in festival saja pussaivel sut questas circumstanzas. Malgrà ch'i fiss pussaivel restan ils organisaturs da RockSedrun dentant tar lur decisiun da spustar l'event da circa 500 persunas sin la proxima stad, il 2022.

audio
Occurrenzas grondas: Speranza e segns da dumonda tar il «Städtlifest» a Glion
03:13 min, Actualitad dals 30.04.2021.
laschar ir. Durada: 03:13 minutas.

Sper quai restian er anc autras malsegirezzas: Tge è propi prescrit, co èn occurenzas pussaivlas? Blers decidan perquai pir la fin da matg cura ch'il Cussegl federal preschenta il plan concret, sche l'event ha lieu.

HCD optimistic per la nova stagiun

Il club da hockey da Tavau è il sulet club da sport grischun che po beneventar en temps normals plirs millis aspectaturs als gieus da chasa. Tenor Marc Gianola, CEO dal HCD, dat la decisiun dal Cussegl federal segirtad. Fin 10'000 aspectaturs tunia bain. I possia dentant anc capitar bler enfin il settember, precisescha el. Il settember è il mains cura che la nova stagiun da hockey cumenza. Sche tut va tenor plan è el optimistic ch'els possian beneventar 4'500 aspectaturs. El quintia numnadamain betg ch'i saja lubì il settember da laschar vegnir fans en ils plazs da star en pe en il stadion.

Igl è bel da vesair la via co ch'i pudess guardar ora il cumenzament da la proxima stagiun.
Autur: Marc GianolaCEO dal HCD

Tenor Marc Gianola èsi impurtant da vinavant restar flexibel. Durant questa pandemia saja da guardar emna per emna.

Fans e giugaders HCD
Legenda: Marc Gianola è optimistic da puspè pudair beneventar in bel dumber da fans a Tavau a partir dal settember. Keystone

Avair in bun nas è impurtant

Il comite d'organisaziun dal maraton da mountainbike engiadinais quinta gia dapi mais che els possian manar atras la cursa ils 28 d'avust. Els hajan davent dal cumenzament planisà cun maximal 1'500 persunas. Las ultimas decisiuns dal Cussegl federal dettian segirtad, declera il president da la cursa, Claudio Duschletta.

audio
Occurrenzas grondas: Ils plans dal Bike-Maraton Engiadina e dal HCD
03:03 min, Actualitad dals 30.04.2021.
laschar ir. Durada: 03:03 minutas.

L'unica malsegirtad che regia anc enturn la cursa, saja quella dal traject. Planisà saja ina cursa che maina en l'Italia. Per che gliez saja pussaivel, stuess dentant er l'Italia dar la lubientscha da menar atras occurrenzas cun pliras milli persunas.

Per il cas che nus na pudain betg ir en l'Italia datti ina cursa alternativa.
Autur: Claudio Duschlettapresident dal comité d'organisaziun dal maraton da mountainbike engiadinais

RTR actualitad

Artitgels legids il pli savens

Scrollar a sanestra Scrollar a dretga