Sch'ins haja il suspect che l'atgna annunzia saja ida a perder duajan ins reagir, cusseglia da media chantunala Marina Jamnicki.
La raschun sajan sbagls tecnics – datas sajan idas a perder – uschia la media chantunala Marina Jamnicki. Sch'ins haja il suspect che l'atgna annunzia saja ida a perder duajan ins reagir, uschia la media chantunala. 12'000 persunas en il Grischun han gia survegnì l'emprima dosa da vaccinaziun cunter corona. Enfin la fin da mars han ins empermess ulteriuras 8'700 dosas.
Administraziun chantunala sa participescha als tests da manaschis
Per cumbatter la pandemia da corona ha la regenza approvà tests en manaschis sco part dal concept da protecziun general. Quel concept prevesa da testar regularmain persunal en ils manaschis sco er las scolaras ed ils scolars, las persunas en emprendissadis sco er las persunas d'instrucziun en las scolas cun agid d'in test da spida PCR.
Emprimas experientschas han mussà che 85% dal persunal sa participeschan en media als tests en manaschis.
