Dapi l'emprim da schaner 2021 appartegnan la PBD Grischun e la PCD Grischun omaduas a la partida naziunala «Allianza dal center Svizra». Ussa duai ina gruppa da lavur, che sa cumpona dad otg persunas, sclerir co las duas partidas grischunas PBD e PCD pudessan collavurar ensemen en il futur. La gruppa da lavur saja occupada guliv, cun persunas d'omaduas partidas, scrivan las duas partidas en ina communicaziun communabla.
Lavur politica duai avair dapli effect
La gruppa prepara il project e guarda ch'ils commembers da las partidas pon s'exprimer e collavurar. La finamira saja, che la lavur politica haja dapli effect e che quai vegnia era enconuschent en la publicitad. La finala decidan, tenor ils statuts da las duas partidas, las radunanzas da delegai e delegadas davart la via futura da las duas partidas PCD e PBD.
Sin palancà naziunal era sa furmada la fin da november ord a la PBD e la PCD la nova partida «Allianza dal center».
