Siglir tar il cuntegn

Header

audio
Bunura: Cas impressaris – reacziuns PBD, PCD e PS
Or da Actualitad dals 26.04.2018.
laschar ir. Durada: 2 minutas 3 Secundas.
cuntegn

Chantun Partidas grischunas pretendan scleriment en chaussa cartels

La PBD stat davos lur candidats – la PS pretenda transparenza – la PCD appellescha da spetgar il rapport da la WEKO.

Gian Michael che maina il cumbat electoral dalla PBD è persvas che las renfatschas envers lur dus candidats Jon Domenic Parolini ed Andreas Felix n'èn betg vairas. Plinavant è el er persvas ch'il rapport da la WEKO, ch'intercurescha ils cas da cartel en l'Engiadina Bassa, discurria tut in auter linguatg che las publicaziuns dal magazin online «Republik». Per el e per la PBD giaja il cumbat electoral vinavant sco planisà, malgrà las renfatschas pesantas.

Nus essan vinavant da l'avis che noss candidats sajan loials.
Autur: Gian Michael Manader dal cumbat electoral da la PBD

«I vala la presumziun d'innocenza»

Per Reto Crameri, pledader da la PCD grischuna, èsi da spetgar il rapport da la WEKO avant che pretender mesiras da la politica. Be sin basa dals artitgels da la «Republik» possian ins anc betg giuditgar ils cas. Per la Partida cristiandemocratica valia perquai la presumziun d'innocenza. Sch'i saja dentant insatge vid las renfatschas, lura pretendia era la PCD consequenzas.

«Transparenza e scleriment da tut ils cumpigliads»

Il president da la Partida socialdemocratica grischuna percunter pretenda ch'ils politichers inculpads dettian scleriment. Era il chantun e la regenza grischuna stoppian declerar inqual chaussa. Uschia per exempel sche l'Uffizi chantunal da construcziun bassa saveva er dals cas – quai pretendan en tutta cas ils artitgels da la «Republik». La PS pudess er metter avant da far pass parlamentaris per sclerir ils cas.

RR actualitad 07:00

Artitgels legids il pli savens