Chantun - Pass grischuns restan serrads pli ditg che planisà
L'uffizi da construcziun bassa dal Grischun dovra anc temp per rumir ils pass da la naiv dals ultims dis. Vinavant saja il privel da lavinas in tema. Las averturas da singuls pass èn perquai vegnidas spustadas.
Tenor stan actual avran ils pass ch'èn serrads durant l'enviern sco suonda:
1 da matg: Pass Alpsu (08:00) e Pass dal Spleia (16:00)
24 da matg: Pass da l'Alvra e San Bernardino
La fin da matg: Pass dal Umbrail
3 da zercladur: Forcola di Livigno
Tar il Pass dal Flüela na datti anc nagina data d'avertura. El resta dentant serrà almain fin ils 5 da matg. Lura evalueschan ils responsabels anc ina giada la situaziun.
