Cun 41 cunter 28 vuschs e tschintg abstenziuns, han las delegadas ed ils delegads da la PBD dal Grischun decidì la parola na a l’iniziativa per mo ina lingua estra en scola primara.
Las parolas federalas
A la radunanza da delegads da la PBD grischuna a Cuira gievgia saira, han ils preschents era discutà las parolas per ils projects federals che vegnan en votaziun ils 23 da settember.
Ils delegads refusan cleramain las duas iniziativas agraras. Perfin ina decisiun unanim datti tar l'iniziativa per la suveranitad alimentara. A l'iniziativa da fair-food din 67 delegadas e delegads na e tschintg gea, sis èn s'abstenids da lur vusch. Il conclus federal davart las vias da velo survegna il sustegn da la Partida burgais-democratica. 74 delegads han ditg gea e trais na, tar ina abstenziun.
RR novitads 23:00
