Siglir tar il cuntegn

Header

audio
Viafier retica introducescha er lavur curta
Or da Actualitad dals 31.03.2020.
laschar ir. Durada: 2 minutas 46 Secundas.
cuntegn

Pervia da frequenzas nauschas Viafier retica introducescha lavur curta

La crisa da corona ha grond'influenza sin il manaschi da la Viafier retica. A partir dal prim d'avrigl introducescha la Retica lavur curta. Motiv per quai èn las frequenzas ch'èn ruttas en fitg, quai ha ditg sin dumonda Simon Rageth da la RhB.

Las frequenzas en ils trens sajan 80-90% pli bassas che normal, uschia descriva Simon Rageth la situaziun actuala tar la Viafier retica. Las consequenzas sajan d'ina vart ina reducziun da la purschida e da l'autra vart l'introducziun da lavur curta a partir dal prim d'avrigl. La lavur curta pertutgia tut ils radund 1'500 collavuraturs. Influenza sin las pajas haja questa mesira enfin uss betg – la paja restia tar 100%.

La crisa ha grond'influenza sin la fatschenta.
Autur: Simon Rageth Pledader da medias RhB

Nagins conducturs en ils trens

Tranter auter desistia la Viafier Retica da persunas d'accumpagnament en ils trens, uschia Rageth. Las davosas emnas sajan conducturas e conducturs bain stads en ils trens ma n'hajan betg pli fatg controllas. Cun l'introducziun da lavur curta hajan els decis da desister dal tut da conducturas e conducturs.

Tge consequenzas che la crisa da corona haja sin la fatschenta en general na sappian ins uss anc betg dir.

RTR novitads 06:00

Artitgels legids il pli savens