Er sche la situaziun actuala lubeschia il mument strusch da far fufragnadis na quinta l'uffizi betg cun problems pli gronds. Vul dir: La gronda part dals giuvenils vegnia a chattar sco ils ultims onns er, ina plazza d'emprendissadi fin l'avust. La gronda part da las plazzas en il Grischun, bun 600, vegnia occupada tranter il mars ed il fanadur.
Sche la crisa actuala haja in'influenza negativa sin las plazzas d'emprendissadi na po l'uffizi chantunal anc betg dir. Actualmain lavuria ina gruppa naziunala vi da mesiras per evitar consequenzas negativas. Ina pussaivladad fiss tranter auter da prolungar il temp d'annunzia. Plinavant appellescha la gruppa da lavur a tut las interpresas dad er quest onn scolar tuttina blers emprendists. Las interpresas vegnian vinavant a duvrar persunas dal fatg.
En l'entira Svizra èn var 24'500 plazzas d'emprendissadi libras.
