Dumengia saira ha la Rega stuì deliberar in um dad in'insla en il Rain - circa 100 meters suenter la punt militara en direcziun Favugn. Il livel da l'aua creschia uschè fitg ch'el na possia betg pli turnar a la riva, ha l'um dà alarm. La Rega haja pudì salvar el, scriva la polizia da la citad da Cuira.
Plirs cas da canera cun autos
Ultra da quai ha la polizia denunzià trais automobilists - dus dad els pervia da disturbis da canera, perquai ch'els han dà uschè fitg gas. In automobilist ha stuì laschar al lieu ses vehichel, damai ch'el ha surpassà la limita da decibels. In'ulteriura persuna era da viadi persula en l'auto, malgrà ch'ella era pir vid emprender d'ir cun auto e na posseda anc nagin permiss.
Plinavant tira la polizia ina bilantscha positiva da da l'acziun dal clima «strike for future» dal venderdi. La demonstraziun cun 300 persunas saja stada paschaivla e las participantas ed ils participants hajan resguardà l'obligatori da purtar mascrina.