Siglir tar il cuntegn

Header

video
La previsiun da l'aura
Or da Telesguard dals 07.12.2020.
laschar ir
cuntegn

Privel da lavinas considerabel En il Grischun dal Sid duai naiver vinavant

Fin la notg sin mardi èsi da quintar cun blera naiv nova en las muntognas tessinaisas ed en la Mesolcina. Il cunfin da naiv è tranter 600 ed 800 meters.
En la regiun dal Bernina saja da quintar fin questa saira cun 20 fin 30cm naiv nova, en il rest dal chantun cun 10 fin 20cm. La gronda part saja dentant gia vegnida sur notg, di Thomas Stucki da l'Institut da naiv e lavinas a Tavau.

video
Il Grischun è cuvernà cun naiv: ina survista
Or da Telesguard dals 07.12.2020.
laschar ir

Il mument vala per l'entir chantun Grischun in privel da lavinas considerabel, stgalim 3.

Situaziun da lavinas
Legenda: verd: pitschen, mellen: moderà, oransch: considerabel, cotschen: grond, cotschen-nair: fitg grond. (stan: 7.12.2020, 17:20) MAD
Igl è da quintar cun grondas lavinas spontanas.
Autur: Thomas StuckiInstitut naiv e lavinas Tavau

Impediments sin via

  • Serrads èn anc ils pass Flüela e Lucmagn. Ils auters pass èn puspè averts. Ils pass dal Alvra ed Alpsu restan serrà durant l'enviern.
  • Tranter San Bernardino e Mesocco èsi da quintar cun naiv sin l'autostrada A13. Per camiuns cun char annex vala da Tusaun fin a Roveredo in scumond da charrar.
  • En parts dal chantun èsi da far quint cun naiv sin via. Uschia en l'entira Engiadina sco er tranter Tavau e Wiesen, en Val Lumnezia e sur ils pass dal Güglia, Bernina e Fuorn.
  • Er vias lateralas èn per part serradas: Uschia la via tranter Ftan ed Ardez, tranter Latsch e Stugl, sco er tranter Ginet e Viano.

Impediments sin ils binaris

  • Actualmain èn tuttas lingias da tren charrablas ed avertas.

RTR novitads 06:00+

Artitgels legids il pli savens

Scrollar a sanestra Scrollar a dretga