Umans sur 65 onns tutgan en temps dal coronavirus tar la gruppa da risico. Las mesiras rigurusas da chantun e Confederaziun pertutgan glieud pli veglia anc pli fitg ch’il rest da la populaziun.
La Pro Senectute ha perquai reagì ed instradà ina nova chadaina da telefon per infurmar e gidar. L'anteriura cussegliera federala e presidenta Eveline Widmer-Schlumpf ha oz appellà a l’entira populaziun da resguardar e suandar las prescripziuns.