audio
Stagiun d'uniuns cumenza: Tge reglas valan?
ord Actualitad dals 28.08.2020.
laschar ir. Durada: 2 minutas 47 Secundas.
Concepts da segirezza per la cultura datti differents. Els sa basan dentant bunamain tuts sin il concept da basa che l'Uniun da teater svizra e l'Associaziun svizra dad orchesters professiunals han elavurà. Las uniuns tetgalas da chors e musica instrumentala han lura adattà quests concepts.
Links als concepts da segirezza
Intgins puncts impurtants:
En ils concepts chattan ins er reglas, ch'ins enconuscha or dal mintgadi: tegnair distanza, contact tracing e lavar u dischinfectar ils mauns. Vinavant datti dentant er indicaziuns pli spezialas davart l'igiena u davart ils locals.
- Tenor il concept dal l'Uniun svizra da chors ston las chantaduras ed ils chantadurs tegnair 1,5 meters distanza. Choreografias e midar plazzas durant la prova duain ins evitar.
- Il concept da segirezza da l'Uniun svizra da musica prevesa mintgamai 1 meter distanza tranter las sutgas. En quella direcziun ch'ins suna, ston ins dentant avair almain 1,5 meters distanza.
- Cun l'aua condensada dals instruments a flad da sturs saja spezialmain da dar adatg. L'Uniun svizra da musica recumonda da duvrar sdratschs u lumpas.
- I vegn recumandà da regularmain dar aria al local d'emprova. Quai duai schabegiar almain suenter in'ura per var 15 minutas.
- Tar provas da teater duain ins evitar scenas cun contact corporal. Er scenas nua che duas persunas èn fitg datiers ina da l'autra sajan da tegnair uschè curtas sco pussaivel.
- Ils locals da prova duain esser gronds avunda. Sco regla generala valan 4 meters quadrat per persuna.
