Oz è stada la partenza per il project da planisaziun per il provediment d'ospitals dals chantuns Grischun, Son Gagl, Glaruna, Appenzell Dador ed Appenzell Dadens.
En differentas spartas (somatica acuta, reabilitaziun e psichiatria) vulan ils tschintg chantuns collavurar per uschia spargnar custs. Quai era gia vegnì enconuschent il favrer. Ussa è la Socialdesign SA vegnida incumbensada da manar il project. L'interpresa da Berna haja diversas experientschas da projects, en spezial en la branscha da sanadad e socialesser, hai num en ina communicaziun. Fin mez dal 2022 duai il project esser terminà.
