Siglir tar il cuntegn
Inhalt

Chantun PVL Grischuna cunter iniziativa da linguas estras

La Partida verd-liberala dal Grischun ha dà or las parolas per las votaziuns dals 23 da settember.

Logo da partida.
Legenda: Ils Verd-liberals èn cunter l'iniziativa da linguas estras. Grafica RTR

A chaschuna da sia radunanza da delegads ha la Partida verd-liberala decis la parola Na per l'iniziativa chantunala per mo ina lingua estra en scola primara. Cun adattar las finamiras da l'instrucziun e dispensaziuns saja pussibel da guardar ch'ils scolars na vegnian betg surdumandads, uschia l'argumentaziun da la partida.

Er èn ils Verd-liberals dal chantun cunter l'iniziativa per la suveranitad alimentara che chaschunia custs supplementars. Areguard l'iniziativa da fair-food han els decis libertad da votar. Dal punct da vista da l'ambient saja l'iniziativa da sustegnair; dal punct da vista economic saja ella però problematica.

Gea din ils Verd-liberals al conclus federal davart las vias da velo.