Il referendum cunter la decisiun dal Cussegl grond da stritgar las contribuziuns da maternitad è reussì. Il comité da referendum cun exponents da la sanestra e dals sindicats ha rimnà passa 2'800 suttascripziuns valaivlas. Quai conferma la Chanzlia chantunala en il Fegl uffizial.
Cunter reducziun da prestaziuns socialas
Las 1'500 suttascripziuns necessarias sajan vegnidas ensemen senza problems, ha confermà Julia Müller, deputada da la PS, l'entschatta da december a chaschun da la surdada da las suttascripziuns.
audio
Julia Müller, deputada da la PS
ord RTR Audio dals 03.12.2020.
laschar ir. Durada: 8 Secundas.
La finamira dal comité è che las contribuziuns da maternitad na vegnan betg stritgadas. L’argument principal è che cunzunt ils pli paupers patissan, sche quellas contribuziuns vegnissan stritgadas. Uschia stuess anc dapli glieud retrair agid social.
Legenda:
Trais da las iniziantas dal referendum: Xenia Bischof, Edina Annen e Julia Müller sin la plazza da regenza
RTR, Elias Tsoutsaios
