Siglir tar il cuntegn

Header

video
Ura da polizia 19:00 en l'entira Svizra - reacziuns da la Regenza Grischuna
Or da RTR Social dals 11.12.2020.
laschar ir
cuntegn

Regenza Grischuna «Per la gastronomia èsi ina schleppa»

Ir la via cun reglas unifitgadas fetschia senn, quai dian tant il minister da sanadad Peter Peyer sco er il minister d'economia Marcus Caduff. Plinavant saja er bun da far tschertas adattaziuns tut tenor situaziun en ils chantuns.

La gronda finamira dal chantun saja da dumagnar la cifra da reproducziun sut 1. Uschia dastgass la gastronomia laschar avert enfin las 23:00. Sbassar questa valur giaja dentant betg uschè svelt, manegia Peter Peyer. I saja perquai tant pli impurtant da restrenscher contacts, laschar testar e rumper las chadainas d'infecziun. Per la gastronomia fissi da gronda impurtanza da nizzegiar il temp dals dis da festa e schaner e far svieuta.

audio
Regenza grischuna vul sminuir infecziuns per avair dapli libertads
01:15 min, Actualitad dals 11.12.2020.
laschar ir. Durada: 01:15 minutas.

Mesiras sin donn e cust da la gastronomia

Las novas reglas per la branscha da gastronomia sajan rigurusas e fetschien grond donn. Gist ils dis da festa sajan da gronda impurtanza per manaschis grischuns. Quai fiss il temp da far reservas, uschia commentescha il minister d'economia Marcus Caduff las novas decisiuns da la Confederaziun. El spetgia uss che la Confederaziun indemniseschia las perditas da la branscha. Caduff è plinavant da l'avis ch'il chantun haja fatg ses pensum da chasa cun ordinar l'emna passada novas reglas e serrar la gastronomia e lieus da temp liber per duas emnas. Perquai saja uss er la Confederaziun en l'obligaziun da dar agid finanzial. Er per Caduff èsi cler che la finamira gronda dal chantun saja da sbassar las cifras uschia ch'ustarias, bars etc. dastgan avair avert enfin las 23:00. Per uschia almain minimar in zic il donn economic per la branscha.

audio
Marcus Caduff beneventa mesiras unifitgadas, ma crititgescha ura da polizia
02:18 min, Actualitad dals 11.12.2020.
laschar ir. Durada: 02:18 minutas.

RTR novitads 17:00

Artitgels legids il pli savens

Scrollar a sanestra Scrollar a dretga