Siglir tar il cuntegn

Header

cuntegn

Regenza Sistì termins per iniziativas e referendum

Ils termins per inoltrar iniziativas e referendums èn spustads ad interim enfin ils 31 da matg. Sco gia sin nivel federal vala quai uss er sin nivel communal e chantunal. La regenza grischuna suonda cun sia ordinaziun pia a quella dal Cussegl federal.

La restricziun dals dretgs dal pievel pervia da las mesiras concernent COVID-19 pertutgia er il chantun sco er las vischnancas, las corporaziuns da vischnancas e las regiuns. I para perquai raschunaivel da prevair ina regulaziun unitara en chaussa, sco che er gia auters chantuns han fatg en il fratemp, communitgescha la regenza.

L'ordinaziun sa referescha per l'ina a termins currents d'iniziativas e da referendums. Projects da referendum ch'èn incontestads duain tuttina pudair entrar en vigur. Perquai vegnan ils termins sistids mo, sch'i vegn inoltrada in'annunzia correspundenta en scrit a la Chanzlia chantunala respectivamain als posts cumpetents (vischnancas, corporaziuns da vischnancas, regiuns).

RTR novitads 10:00