Siglir tar il cuntegn

Header

audio
En bleras vischnancas hai dà novas fatschas al timun
laschar ir. Durada: 03:41 minutas.
cuntegn

Revistas 2020 Novas forzas en vischnancas grischunas

En diversas vischnancas hai dà il 2020 cumbats electorals per il post da president u presidenta communala, ed er inqual surpraisa.

Diversas vischnancas van cun novas fatschas e novas forzas en l'onn nov:

  • Il suveran da Flem elegia in nov a la testa: Martin Hug persvada votantas e votants e fa cleramain la cursa cunter il president en uffizi Adrian Steiger ed il terz candidat Nicola Fantini.
  • Er in cler resultat a favur d'in nov candidat datti a Claustra. Il president en uffizi Kurt Steck sto far plaz a Hansueli Roth.

  • Pli stretga è la cursa stada en Val Müstair. La maioritad da las vuschs fa Gabriella Binkert Bechetti e metta uschia en l'umbriva il president d'enfin qua Rico Lamprecht.

  • Gronda è la surpraisa a Tavau. Cuntrari a las prognosa na surprenda betg in liberaldemocrat il post da landamma mabain il socialdemocrat Philipp Wilhelm. El fa uschia ina fin ad ina lunga èra burgaisa al timun da Tavau.

  • A Cuira va il terz sez en suprastanza en mauns burgais. La cristiandemocrata Sandra Maissen cumplettescha la regenza da la citad Cuira sper Urs Marti e Patrik Degiacomi.

Er autras vischnancas grischunas han elegì ina nova presidenta ubain in nov president. Uschia che bleras van en l'onn nov cun vent frestg e novas forzas.

RTR actualitad

Artitgels legids il pli savens

Scrollar a sanestra Scrollar a dretga