Tut ils 3 models ch'èn sin maisa duain render l'organisaziun da la Lia Rumantscha (LR) pli democratica vulan sclauder l’Agentura da Novitads Rumantscha (ANR) da la radunanza da delegads da la LR. La proposta da l’uniun Pro Idioms vul ultra da quai excluder la SRG.R.
En vista a la radunanza da delegads la fin d'october a Lavin ha la Lia Rumantscha publitgà il document «propostas sin fundament da la dieta LR, 11-06-2016». In passus là fa attent sin in'eventuala rolla problematica da schurnalists entaifer la LR.
Igl è da ponderar bain, sch’i po esser che persunas cun in'incumbensa schurnalistica duain medemamain esser delegadas u far part ad in parlament rumantsch.
Tenor Johannes Flury, il president da la Lia Rumantscha na saja quai betg exnum manegià da sclauder il mastergn da schurnalists. I saja plitost da ponderar, schebain delegads a radunanzas da la Lia Rumantscha dastgian medemamain rapportar da la radunanza. Tenor Flury dettia quai in conflict d’interess.
Quai argument sustegn Lorenz Alig, il president da la Pro Idoms Surselva che ha inoltrà ina proposta per democratisar la Lia Rumantscha. Alig accentuescha dentant, che i na saja però nagin problem sch'in schurnalist saja preschent sco delegà sco persuna privata.
RR actualitad 06:00