En ina da las probabel pli pitschnas stanzas dal chastè Salenegg a Maiavilla, sa chatta la tratga da rasulaunas da saida da Helene von Gugelberg. D’ina vart da la stanza èn ils ovs che han ina grondezza da papaverins. Da l’autra èn vart las rasulaunas, ch’èn bun in mais pli veglias ch’ils ovs – e 10'000 giadas pli grevas. En quella vegliadetgna cumenzan ellas a sa plegar en lur cocons da saida. Quels cocons consistan da mo 1 fil – ch’è en il cas ideal fin 3 kilometers lung. Suenter ha l’allevatura da sientar ils cocons e trametta quels en ina fabrica a Berna. Là vegn elavurada la saida svizra da 12 differentAs producentAs.
Cumenzà avant 5 onns
La chastellana ha cumenzà il 2014 cun las preparaziuns per sia tratga – vul dir: plantà plirs murers. Ils fegls dals murers èn numnadamain quai che las rasulaunas maglian – en massas. Perquai han las plantas stuì crescher avunda grondas, avant che Helene von Gugelberg ha pudì trair si sia emprima tratga. Quai è capità lura avant dus onns. Cun 1000 rasulaunas è ella anc adina en ina fasa d’emprender e na producescha betg anc tanta saida sco ils producents, che pon gia trair si 20’000 insects per tratga.
Per Helene von Gugelberg è quai ina bella lavur, perquai ch’ella saja previsibla – dentant era perquai che las rasulaunas sajan insects fitg fascinants.
Telesguard 17:40
