Siglir tar il cuntegn

Header

cuntegn

Scolas medias Novas schanzas per ils Rumantschs e las Rumantschas

Grazia a la lescha da scolas medias revedida pon scolaras e scolars da lingua materna tudestga, rumantscha e taliana finalmain survegnir access cun schanzas egualas a la furmaziun en ina scola media.

La lescha revedida da las scolas medias porscha novas pussaivladads a la Rumantschia. Quellas vul ina gruppa parlamentara enturn il deputà Lorenz Alig trair a niz. Ella pretenda che la purschida da furmaziun rumantscha vegnia rinforzada. Alig ha inoltrà la dumonda durant la sessiun da favrer dal Cussegl grond. La regenza duai far diever da la pussaivladad d’obligar las scolas medias da promover la lingua rumantscha. Grazia als mandats da prestaziun per las scolas medias privatas, che la regenza elavurescha ils proxims onns en il rom da la nova lescha, pudess er vegnir fatg frunt a la mancanza da scolasts.

Lia Rumantscha parta las finamiras

Tenor il pledader da la Lia Rumantscha partia l'uniun tetgala las finamiras da la dumonda da Alig. Gia en connex cun reveder la lescha da la scola media haja la Lia Rumantscha pretendì prescripziuns concretas ch'obligheschian las scolas medias da promover il rumantsch.

RTR novitads 07:00

Artitgels legids il pli savens