Siglir tar il cuntegn

Header

cuntegn

Scolas medias spezialisadas Nagins examens finals a bucca

  • Nagins examens finals a bucca en las scolas medias spezialisadas
  • In'excepziun datti per la maturitad spezialisada en il champ professiunal «pedagogia»
  • La valitaziun en la calculaziun da la nota finala vegn adattada

Uss èsi cler: Per scolars da las scolas medias spezialisadas, na datti quest onn nagins examens finals a bucca. Quai ha communitgà la regenza grischuna. In'excepziun datti però per la maturitad spezialisada en il champ professiunal «pedagogia». La vegnian ils examens finals manads atras normal cun resguardar las mesiras da protecziun.

Entras la decisiun vala per las davosas classas da gimnasis e da scolas medias spezialisadas il medem. Per ch'ils scolars na vegnan betg dischavantagiads perquai ch'ils examens a bucca n'han betg lieu, vegn definì da nov co las notas vegnan quintadas ensemen.

  • Per la nota finala quinta la nota da l'emprim semester per la mesadad, quella dal segund semester per in quart e quella da l'examen a scrit per in quart.
  • En ils roms senza examen final quintan las notas da l'attestat dal emprim semester per dus terzs e quellas dal segund semester per in terz.

RTR 11:00

Artitgels legids il pli savens

Scrollar a sanestra Scrollar a dretga