Siglir tar il cuntegn

Chantun Scumond absolut da far fieu

En grondas parts dal Grischun vala a partir dad immediat in scumond da far fieu en guauds ed en vischinanza da guauds. Quai annunzia l'uffizi da guaud e privels da la natira.

Purtret da la charta dal Grischun. Engiadina e Val Müstair èn colurads oransch, il rest dal chantun nair.
Legenda: Sulet en l'Engiadina e la Val Müstair è il privel be considerabel. MAD, Uffizi da guaud e privels da natira

Betg pertutgadas da quest scumond n'èn sulettamain las regiuns Engiadina, Val Müstair, Samignun e Tavau-Claustra. En las valladas talianas vala persuenter in scumond absolut da far fieu giuadora.

La situaziun vegnia sulettamain meglra, sch'i plovia plirs dis. Urizis u leva plievgia dad ina fin duas uras na possian betg mitigiar la situaziun.

Tenor SRF Meteo n'èsi dentant er ils proxims dis betg da quintar cun plievgia. I restia chaud e bel.

RR novitads 10:00