Siglir tar il cuntegn

Header

Impressiuns dals Special Olympics
Legenda: Keystone
cuntegn

Special Olympics Ils gieus pon avair lieu il 2029 en Svizra

Ils World Winter Games per persunas cun impediment pon avair lieu il 2029 en Svizra. Quai ha decidì la suprastanza da l'organisaziun «Special Olympics International».

Cundiziun èn dentant anc, garanzias per la finanziaziun tras il maun public, scriva Special Olympics Svizra. La finanziaziun sto esser reglada fin il settember 2022.

Il budget per ils World Games muntan a 38 milliuns francs, pia bunamain tuttina bler sco per ils Youth Olympic Games a Losanna. Dals custs totals duain 75% vegnir purtads da la Confederaziun, ils chantuns Grischun e Turitg, sco er da las vischnancas involvidas.

La citad da Cuira vegn a decider la primavaira 2022 en chaussa.

Occurrenzas sportivas en il Grischun

Las occurrenzas sportivas dals World Winter Games 2029 avessan tuttas lieu en il Grischun. A Cuira vegniss organisà las disciplinas da halla, sco per exempel unihockey ni short track, ad Arosa ski alpin e snowboard ed a Lai las cursas da passlung. Turitg fiss il lieu per la festa d'avertura ed a Cuira avess lieu la festa finala. Ils organisaturs spetgan 2'500 atletas ed atlets cun impediments da passa 100 pajais.

Ord l'archiv

video
Preparativas Special Olympics World Winter Games 2017
Or da Telesguard dals 30.01.2017.
laschar ir

RTR Novitads 11:00

Artitgels legids il pli savens

Scrollar a sanestra Scrollar a dretga