La candidatura ha ferm sustegn da diversas varts – ed era la cussegliera federal Viola Amherd s’engascha per che la Svizra survegnia ils Gieus d’enviern mundials per persunas cun impediments.
Ils Special Olympics World Winter Games duran 12 dis e cumpiglian 9 disciplinas. Dasper las occurrenza sportivas che han lieu en il Grischun, èn previsas bleras occurrenzas a l’ur. Tar quellas sa scuntrian las passa 100 delegaziuns e la populaziun, scrivan ils promoturs dals gieus.
Grischun è ospitant sportiv
Ils organisaturs quintan cun custs da 38 milliuns francs per ils gieus. Trais quartas duain purtar la Confederaziun, ils chantuns Grischun e Turitg, las citads da Cuira e da Turitg, sco era las regiuns Arosa e Lai. En questas regiuns grischunas fissan er las occurrenzas sportivas.
Las proximas decisiuns
Anc avert è cura ch’ils Special Olympics World Winter Games vegnan surdads. Il zercladur che vegn è previs da decider tgi ch’organisescha ils gieus il 2025. La Svizra dumonda cun inoltrar sia candidatura, che la decisiun per il 2029 succedia era questa stad. Uschiglio fiss la decisiun da spetgar pir il november da l’onn 2024.
