Pervia dal coronavirus quintan las pendicularas Grischunas cun 20 fin 30% pli pauc svieuta durant la stagiun d'enviern. Quai ha ditg il president da las pendicularas Grischunas, Martin Hug, envers RTR. La raschun saja cunzunt, ch'i vegnia a dar pli paucs giasts dad auters pajais. Sco durant la stagiun da stad era, quintan las Pendicularas grischunas surtut cun blers giasts svizzers.
audio
Las pendicularas grischunas quintan cun damain svieuta
ord Actualitad dals 05.11.2020.
laschar ir. Durada: 1 minuta 59 Secundas.
Sco quai che Hug ha ditg vinavant, stoppian ils territoris da skis evitar, che pendicularas u restaurants vegnian surchargiads. Il concept da segirtad stoppia adina vegnir tegnì en. En ils territoris da skis vegnia a dar en blers lieus in obligatori da mascra. Quai per exempel en las pendicularas u er sin sutgeras.
