Substanzas artificialas - Tge plastic èsi da reciclar e tgenin betg?
S’imaginar noss mintgadi senza plastic n’è betg simpel. Quella substanza è da gronda impurtanza. Cunquai ch’ella è artifiziala èsi era da dismetter ella endretg.
In plastic ch’ins sa dismetter fitg bain è il polietilen. Ils blers enconuschan quella substanza meglier sut il num PET. Savens vegn quella substanza duvrada per buttiglias. Stefan Covanti è inschigner d’ambient tar il chantun Grischun. Tenor el possian passa 90% d’ina buttiglia da PET vegnir reutilisà. Uschia ch’il rimnar e reciclar da quella substanza fetschia senn.
Auter vesi per exempel ora tar il tetrapac. Il tetrapac consista ord pliras substanzas. Numnadamain da alumini, chartun e plastic. Fin oz na dettia en Svizra betg in sistem che saja abel d'extrair tut las cumparts sin moda e maniera effectiva. Il reciclar da tut ils materials da tetrapac n’è energeticamain betg rentabel.
Tge san ins anc reciclar?
Avrir la boxSerrar la box
Swissrecycling è l’uniun tetgala da tuttas organisaziuns da recycling en Svizra. Sin lur pagina d’internet datti ina survista cumpletta davart tut las materialias che vegnan rimnadas e recicladas en Svizra: http://www.swissrecycling.ch/wertstoffe/
