Siglir tar il cuntegn

Chantun Sustegn per il stgazi da l'uvestgieu n'è betg giud maisa

Il Cussegl communal da Cuira a mess sin testa sia decisiun: Il sustegn da 600'000 francs da la citad per il museum dal stgazi da l'uvestgieu vegn tuttina resguardà en il preventiv.

Stgazi da l'uvestgieu.
Legenda: Forsa datti tuttina in sustegn finanzial. Keystone

En la debatta davart il budget per il 2018 ha il cussegl communal revedì sia decisiun dal november ed ha puspè resguardà ils 600'000 francs per il museum dal stgazi da l'uvestgieu a Curia.

Definitivamain vegn pir decidì il 2018

Sche l'uvestgieu survegn definitivamain ils daners n'è dentant betg anc cler. Il Cussegl da la citad sto ussa elavurar in nov messadi davart il sustegn dal museum. Divers commembers dal cussegl han pretendì ch'il messadi nov portia dapli transparenza sco ch'ils daners vegnan propi investids.

En l'onn proxim vegn il messadi preschentà anc ina giada al Cussegl da la citad. Lura duai vegnir decidì definitivamain sche l'uvestgieu survegn il sustegn u betg.

RR novitads 18:00