Siglir tar il cuntegn

Header

audio
Bunura: «Der letzte Schnee» - Valitaziun dal toc da teater
Or da Actualitad dals 18.01.2020.
laschar ir. Durada: 4 minutas 4 Secundas.
cuntegn

Teater «Der letzte Schnee» Paul e Georg spetgan vinavant sin la naiv

Enviern senza naiv, ma cun Arno Camenisch. Quai empermetta il Teater Cuira. Els preschentan in toc che sa basa sin in cudesch «Der letzte Schnee» dad Arno Camenisch.

Paul e Georg sa numnan ils dus protagonists en il cudesch «Der letzte Schnee» dad Arno Camenisch. Dus originals che sesan di per di avant il runal e spetgan sin la naiv e sin ils skiunzs. Paul raquinta, fantisescha e filosofescha e Georg fa sia lavur e scriva tut en ses schurnal. Els vivan en lur agen trot.

Enturn els sa mida dentant bler. Il stgaudament dal clima luenta la naiv adina pli spert ed i dat nagina naiv nova. Strusch in skiunz vegn pli sin il runal.

Teater «Der letzte Schnee»

Il toc da teater è vegnì producì dal «Konzert Theater» a Berna. Il toc va circa in'ura e mesa. La reschia ha Jonas Knecht fatg, accumpagnà musicalmain ha Anna Trauffer.

Il gieu da teater raquinta en stil umoristic e melancolic da las midadas enturn Paul e Georg, che paran da viver anc en il temps da pli baud.

RTR actualitad 08:00

Artitgels legids il pli savens