Siglir tar il cuntegn

Header

audio
Technopark a Landquart: las emprimas interpresas arrivan pli tard che annunzià
Or da Actualitad dals 01.09.2020.
laschar ir. Durada: 02:05 minutas.
cuntegn

Technopark Technopark a Landquart avra l'october sias portas

Il center che vul promover «startups» en il Grischun na po betg gia arver il settember sias portas. I dovria ses temp per occupar il center cun las interpresas adattadas.

Fiss tut ì optimal fissan las interpresas da «startup» arrivadas il cumenzament da settember en il Technopark a Landquart. Uss vegnia october enfin che las emprimas interpresas sa chasan en il bajetg gist sper la staziun. Sco il president da l'uniun Technopark Rudolf Minsch di, duess il center d'innovaziun esser occupà sin la fin dal 2020 cun plirs «startups».

Els sajan a la tschertga da las interpresas adattadas per il Technopark a Landquart. Perquai prendian els era in zic dapli temp per occupar il center.

Qualitad va avant quantitad.
Autur: Rudolf Minschpresident uniun Technopark Grischun

Las 40 plazzas da lavur na duessan betg simplamain vegnir occupadas. Sco Rudolf Minsch declera, sajan els a la tschertga d'interpresas che possian er profitar in da l'auter e che van a prà.

Promover interpresas giuvnas

Il center vul oravant tut promover interpresas giuvnas e creativas en il Grischun. El duess daventar in da chasa per «startups» che na vegnan persuls betg anc da fitgar pe sin fiera, che han dentant bunas perspectivas. Tenor Rudolf Minsch saja gist perquai impurtant – da prender temp per chattar las dretgas interpresas per il Technopark.

Sil Punct dals 2 da fanadur aveva rapportà:

video
Il Grischun vul attrair e promover cun in tecnoparc firmas giuvnas ed innovativas
Or da sil punct dals 02.07.2020.
laschar ir

RTR actualitad 17:00

Artitgels legids il pli savens

Scrollar a sanestra Scrollar a dretga