Siglir tar il cuntegn

Header

audio
Saira: Discurs cun correspondenta Fabia Caduff davart il rapport
Or da Actualitad dals 28.11.2019.
laschar ir. Durada: 05:19 minutas.
cuntegn

Telefonia mobila Nagina cunvegna per limitas da 5G

En chaussa limita da la radiziun mobila da 5G na datti nagin consens. La gruppa da lavur ch'era vegnida incumbensada avant in onn dal Departament federal da l'ambient n'ha betg pudì sclerir a la fin tge effect ch'il nov standard da 5G ha sin la sanadad. Il monitoring duai perquai cuntinuar.

La gruppa da lavur propona però sis mesiras accumpagnantas co tractar vinavant la telefonia mobila. Tranter auter duai la protecziun da la radiziun vegnir simplifitgada ed armonisada cun ils chantuns. Plinavant duai il monitoring da l'effect sin la sanadad vegnir sviluppà vinavant e la populaziun duai vegnir infurmada meglier.

Il settember 2018 ha l'anteriura cussegliera federala Doris Leuthard fatg ina gruppa da lavur «Telefonia mobila e radiaziun». Quella ha gì l'incumbensa d'analisar ils basegns ed ils ristgs da raits da 5G e dad elavurar cussegls. Represchentads en la gruppa da lavur eran uffizis federals ed autoritads chantunalas, purschiders da telefonia mobila, medis e medias sco er represchentants da las citads e vischnancas.

La redacziun da Nuovo è er gia sa fatschentà cun la tecnologia mobila 5G. Guardai il video.

Video
Cun 5G spendrar las valladas alpinas?
Or da Nouvo RTR dals 29.04.2019.
laschar ir

RTR novitads 15:00