En ils chantuns da la Svizra orientala, tranter quels er il Grischun è la qualitad da l'aria sa meglierada. Quai portia era in levgiament tar ils custs da sanadad che vegnan chaschunads entras l'impestiziun da l'aria. Tenor il center da mesiraziuns «Ostluft» dettia dentant vinavant surpassaments da limitas tar l'ozon, l'amoniac ed il fulin che chaschunia cancer.
Durant il lockdown la primavaira passada saja cunzunt la contaminaziun cun dioxid da nitrogen sa reducida cunquai ch'i haja temporamain in toc damain traffic.
