Siglir tar il cuntegn

Header

cuntegn

Qualitad da l'aria L'aria vegn adina pli schubra

En blers lieus da la Svizra orientala èn las valurs da particlas finas, dioxid da nitrogen e fulin uschè bassas sco dapi l'entschatta da las mesiraziuns betg pli.

Quai mussa il rapport annual 2019 da Ostluft, la surveglianza da la qualitad da l'aria dals chantuns en la Svizra orientala ed il Principadi da Liechtenstein.

En tscherts lieus nua ch'i regia bler traffic sajan las valurs però anc adina sur la limita. Er la contaminaziun d'ozon è durant la stad en general vinavant memia auta. Cumpareglià cun la stad da chalira 2018 è quella però ida enavos il 2019.

Memia auta concentraziun d'amoniac

Sper las bunas novas fan ils experts però attent che la concentraziun d'amoniac en l'aria saja dapi decennis ed anc adina memia auta. Memia bler amoniac en l'aria saja in dals pli gronds privels per la biodiversitad. Il pli fitg pateschian las palids autas.

Il pli bler amoniac vegn tenor il rapport producì da l'agricultura, tranter auter durant engraschar ils prads. Per reducir questas emissiuns èn però diversas mesiras en lavur. Manaschis purils survegnan tranter auter er sustegn da la Confederaziun per tecnologias che reduceschan las emissiuns d'amoniac.

RTR novitads 16:00

Artitgels legids il pli savens

Ir a sanester Ir a dretg