Tests da sirenas en Svizra - 98% dals indrizs han funcziunà senza incaps

Legenda: Ina da las radund 7'200 sirenas che vegnan testadas oz en l'entira Svizra. Keystone

En il Grischun n'ha sulet ina sirena dad en tut 338 betg funcziunà. Chantuns e vischnancas ston uss reparar u remplazzar immediat sirenas defectas.

Per la terza giada èsi er vegnì testà l'alarm da la populaziun sur ils canals d'Alertswiss. Quels funcziuneschian da principi sin in fitg aut nivel.

Alarm general ed alarm d'aua

Dar datti duas sorts alarm da sirena – l'alarm general e l'alarm d'aua. Sco emprim è vegnì testà l'alarm general. Quel ha in tun che va regularmain ensi ed engiu e cuzza ina minuta. Qua sut pudais vus tadlar l'exempel dal tun:

audio

Tun alarm general

00:30 min, ord Actualitad dals 07.02.2018.

laschar ir. Durada: 30 Secundas.

Suenter èn resunads en regiuns periclitadas l'alarm d'aua. Quel consista da 12 tuns lungs che cuzzan mintgamai 20 secundas, sunads mintgamai cun 10 secundas pausa tranteren. Qua sut pudais vus tadlar l'exempel dal tun:

audio

Tun alarm d'aua

00:20 min, ord Actualitad dals 07.02.2018.

laschar ir. Durada: 20 Secundas.

Co fiss da reagir?

Tar alarm general:

• tadlar radio
• suandar las indicaziuns da las autoritads
• infurmar ils vischins

Tar alarm d'aua:

• immediat fugir or da la zona periclitada

L'app Alertswiss

Dasper ils alarms da sirena datti er l'app Swissalert per alarmar ed infurmar. La Confederaziun cusseglia d'installar quella sin ils telefonins ch'ins dovra mintgadi. Via lezza app vegn era infurmà davart diversas novas funcziuns.