Siglir tar il cuntegn

Header

audio
Adrian Arquint davart il dumber da lufs en Grischun
Or da Actualitad dals 24.07.2020.
laschar ir. Durada: 2 minutas.
cuntegn

Uffizi da chatscha conferma Sisavel triep e plirs lufs pitschens

Sco gia supponì pli ditg datti in nov triep da lufs en Surselva. Uss conferma l'Uffizi chantunal da chatscha e pestga uffizialmain ch'i dat in nov triep. Fin uss hajan ins pudì observar trais animals giuvens. Il revier dal nov triep cumpiglia il territori da Sursassiala e s’extenda sur ils territoris communals da Tujetsch, Mustér e Medel. Il nov triep survegn la designaziun «triep da Stagias».

Grafica trieps en Grischun.
Legenda: Grafica trieps en Grischun. RTR Grafica

Il luf en Grischun

Avrir la box Serrar la box
  • 35 - 40 lufs datti actualmain en il Grischun
  • 17 lufs giuvens èn naschids l'onn 2019
  • 711 observaziuns da lufs èn vegnidas annunziadas l'onn 2019

Lufs giuvens

Vinavant conferma l'Uffizi intgins lufs giuvens. Lufs pitschens dettia en il triep dal Beverin. Quants chagniels na saja dentant betg cler. Vinavant hajan ins vesì en il nord da Glion dus lufs creschids cun tschintg pitschens. Qua sa tractia probablamain dal triep dal Piz Bargias.

Er en la regiun Sursaissa datti indizis, ch'il triep da Valgronda haja survegnì lufs pitschens. Davart il dumber na possian ins dentant far naginas indicaziuns.

Naginas infurmaziuns davart luf pitschens datti per il triep dal Calanda.

RTR novitads 09:00

Artitgels legids il pli savens