Siglir tar il cuntegn

Header

purtret da Martin Bürgi
Legenda: Il canoni Martin Bürgi è mort. Kath.ch
cuntegn

Uvestgieu da Cuira Il canoni Martin Bürgi è mort

Il canoni da l'uvestgieu da Cuira Martin Bürgi è mort. Quai ha confermà il pledader da l'uvestgieu envers RTR.

Bürgi era in aderent da la messa veglia ed è stà in dals canonis ch'han ensemen cun il vicari general Martin Grichting, laschà ir dal Rain giu l'elecziun dal nov uvestg da Cuira. Cun la mort da Bürgi n'avess il champ conservativ da Grichting nagina maioritad pli en il chapitel catederal.

Bürgi era vegnì nominà il 2014 da l'anteriur uvestg Vitus Huonder sco administratur da la plaiv Maria Immaculata ad Oberarth, che celebrescha la messa per latin.

Cun la mort da Bürgi èn ussa trais sezs vacants en il chapitel catedral. Il 2020 eran morts ils canonis Christoph Casetti e Hans Willy Cantoni. Tenor statuts duessan posts libers vegnir occupads entaifer da trais mais. Sco la gasetta online «Kath.ch» scriva sa referind sin in insider da l'uvestgieu, na veglia l'uvestg Peter Bürcher per il mument betg nominar novas persunas che pudessan lura impedir la lavur d'in nov uvestg da Cuira.

RTR novitads 11:00

Artitgels legids il pli savens

Scrollar a sanestra Scrollar a dretga