Siglir tar il cuntegn

Header

audio
Reacziuns allergicas suenter il vaccinar – la media chantunala dat pled e fatg
Or da Actualitad dals 09.07.2021.
laschar ir. Durada: 03:57 minutas.
cuntegn

Vaccinaziun cunter Covid-19 Naginas reacziuns allergicas gravantas

En il chantun Grischun n'hai enfin uss anc dà naginas reacziuns allergicas gravantas, sco consequenza da la vaccinaziun cunter il coronavirus. Quai ha ditg la media chantunala Marina Jamnicki envers RTR.

Da differenziar d'ina reacziun allergica – èn ils effects secundars che bleras da las persunas vaccinadas sentan suenter la virola. La media chantunala Marina Jamnicki explitgescha: «Talas èn be in segn, che la reacziun intenziunada dal sistem d'immunitad è era vairamain iniziada.»

Schi vegnia tar ina reacziun allergica, lura na saja quai betg la reacziun usitada dal sistem d'immunitad – il corp surreageschia per uschè dir. La furma la pli severa d'ina reacziun allergica saja il schoc anafilactic. Enfin qua n'haja dentant anc betg dà in tal en il Grischun, causa a la vaccinaziun cunter corona, sco Marina Jamnicki ha ditg. Adina puspè vegnia dentant tar reacziuns allergicas miaivlas, sco friessens, cotschnurs u murdims.

Impedir reacziuns allergicas cun medicaments

En general hajan ins vesì, che tar var 80% da las reacziuns allergicas hajan las persunas correspundentas schon ina giada reagì allergic avant la vaccinaziun cunter Covid-19. Perquai vegnia er dumandà mintga persuna, sch'ella haja gia gì ina giada reacziuns allergicas avant ina virola. «Tut tenor tge che la persuna respunda, survegn ella gia ordavant medicaments ch'impedeschan ina reacziun allergica», ha ditg Marina Jamnicki.

RTR actualitad 12:00

Artitgels legids il pli savens

Scrollar a sanestra Scrollar a dretga