Siglir tar il cuntegn

Header

audio
Peter Peyer e Marina Jamnicki explitgan quant seriusa che la situaziun è
Or da Actualitad dals 16.10.2020.
laschar ir. Durada: 02:15 minutas.
cuntegn

Vala per localitads publicas Uss dovri pli savens mascra en il Grischun

En il Grischun vala a partir da la sonda ils 17 d'october l'obligatori da mascras en localitads accessiblas a la publicitad, quai munta:

visualisaziun dals lieus ch'èn obligatorics da purtar mascra: en bajetgs administrativs, butias e stizuns, centers da cumpra, uffizis postals, baselgias, staziuns (inclus perruns e sutpassadis), museums, teaters, kinos, bibliotecas, ustarias, hotels, bars e clubs.
Legenda: En quests lieus publics vala a partir da sonda, ils 17 d'october in obligatori da purtar mascra. RTR

Betg sco localitads accessiblas al public valan:

  • instituziuns per la tgira d'uffants cumplementaras a la famiglia (per exempel canortas),
  • champs da trenament dad endrizzaments da sport e fitness,
  • bancas (spurtegls e zonas per autoservetsch, pia davant in bancomat)
video
Il chantun oblighescha da purtar mascras en tut ils spazis publics endadens
Or da Telesguard dals 16.10.2020.
laschar ir

En hotels, bars, clubs, discotecas euv. na vala l'obligatori betg per giasts che sesan vid ina maisa. Er exclus da l'obligarori èn collavuraturs sche la segirezza po vegnir garantida entras autras mesiras, sco per exempel paraids da plexiglas u plastic. Er artistas ed artists che cumparan u sportistas u sportists na ston betg purtar ina mascra. L'obligatori da mascras vala per tuttas persunas sur 12 onns.

Occurrenzas grondas n'èn betg il problem. Problematicas èn festas pli pitschnas ed en il rom da famiglia che han per part era lieu en stanzas memia pitschnas nua che la distanza na vegn betg resguardada.
Autur: Peter Peyercusseglier guvernativ
Vinavant vala da tegnair distanza (1,5 meters), lavar bain ils mauns, obligatori en il traffic public, testar sch'ins ha sintoms, inditgar las persunalias per il contact tracing e s'isolar tar in test positiv.
Legenda: Anc adina èn las mesiras da distanza e d'igiena impurtantas. RTR

Obligatori da mascras sin areals da scola

Las mesiras ch'il chantun ha gia prendì per scolas ed instituziuns da furmaziun valan vinavant sin tut ils stgalims da scola. Quai munta da nov per scolettas, scola primara sco era per il stgalim superiur (reala e secundara) ed er per scolas spezialas, che creschids sin l'areal da scola ston purtar ina mascra – exclus è la stanza da scola. En stanza da scola vala l'obligatori da mascra lura, cura che la distanza (1,5 meters) tranter scolastas e scolasts ed ils scolars, na po betg vegnir resguardada ed i na dat er nagina barriera fisica sco per exempel paraids da plexiglas. Scolaras e scolars na ston betg purtar ina mascra. Voluntariamain pon els dentant far quai.

Er en scolas pli autas sco per exempel scolas professiunalas u scolas medias, scolas dal stgalim terziar, scolas per la furmaziun supplementara euv. vala in obligatori da mascras sin l'entir areal, prendì or las stanzas da scola. Quai dentant er be sche la distanza dad 1,5 meters po vegnir resguardada u ch'i dat barrieras fisicas. Quai vala er per il gimnasi sut.

Fin la fin da quest onn

Las mesiras decididas da la regenza valan ina giada fin ils 15 da december 2020 a las 24:00. La fin da november vegn la situaziun giuditgada da nov e decidì co vinavant.

RTR novitads 09:00

Artitgels legids il pli savens

Scrollar a sanestra Scrollar a dretga

Commentaris

Navigation aufklappen Navigation zuklappen

Vus essas annunzià sco Who ? (whoareyou) (Sortir)

Nus avain survegnì voss commentari e mettain quel online suenter ina controlla

Approvai per plaschair las prescripziuns davart la protecziun da datas.
Scriver in commentari

500 segns èn anc disponibels

Cun trametter quest commentari accept jau la netichetta da rtr.ch.

Igl è capità in sbagl. Per plaschair empruvar anc ina giada.

I n'ha dà anc nagins commentaris. Scrivai l'emprim commentari.