Siglir tar il cuntegn

Header

video
30 fin 40% damain racolta per ils viticulturs grischuns
Or da Telesguard dals 12.10.2020.
laschar ir
cuntegn

Vendemia 2020 Buna qualitad, dentant circa 40% pli pauc racolta

Cun la qualitad è Walter Fromm, il cumissari da viticultura dal Plantahof, fitg cuntent. Che la qualitad è uschè buna haja cunzunt duas raschuns: Las autas temperaturas il settember e las fraidas notgs da las davosas emnas, che hajan anc ina giada pudì augmentar l'aroma.

In tant pli paucas ivas grischunas che usità

La quantitad da las ivas racoltadas na saja dentant betg stada cuntentaivla. En cumparegliaziun cun la media dals davos onns guarda quai ora suandantamain en cifras sur l'entir Grischun:

  • Ivas cotschnas (blau stgiras): 40-50% pli pauc
  • Ivas alvas: 20-30% pli pauc

Quant che quai munta en tonnas na po Walter Fromm anc betg dir, cunquai che las datas da la vendemia 2020 n'èn anc betg cumplettas. Sur tuttas regiuns saja la racolta stada pli pitschna che usità. Il pli pauc patì hajan las vignas a Maiavilla ed a Fläsch. Las malas cifras da quest onn n'inquieteschan dentant betg:

Ins sto guardar quai sur trais, quatter onns ed jau crai che producentAs pon sa gidar cun reservas da l'onn passà.
Autur: Walter Frommcumissari da viticultura dal Plantahof

Differents motivs per la pitschna racolta

  • Il motiv principal è il fraid zercladur ch'è stà il pli fraid dals davos 10 onns. Quai è uschè problematic cunquai ch'il zercladur è il temp da fluriziun e las ivas èn scheladas pulit e sfluridas .
  • Plinavant hai era dà donns locals da granella, per exempel tranter Maiavilla e Fläsch.
  • Era la drosofila da tscharescher (mustga che donnegia fritga) è stada activa sin livel local, dentant betg pli fitg che auters onns.

RTR novitads 06:00

Artitgels legids il pli savens

Scrollar a sanestra Scrollar a dretga