Las viticulturas ed ils viticulturs grischuns han racoltà l’onn passà var 1,6 milliuns liters vin, scriva l’Uffizi federal per l’agricultura. Quai è bunamain in quart damain ch’il 2019, lura avevi dà passa 2 milliuns liters. E l’onn da record il 2018 aveva la vendemia en il Grischun perfin purtà radund 2,8 milliuns liters vin.
Ina racolta da vin pli pitschna hai dà il 2020 er en l’entira Svizra. Tut en tut han has vias dà 84 milliuns liter vin, quai èn 13 pertschient sut la media dals ultims diesch onns – e la segund pitschna vendemia dals davos diesch onns.
Damain, dentant top-qualitad
Sco l’Uffizi federal per l’agricultura scriva, hajan la schelira durant il temp da fluriziun principal e la stad chauda e cun pauca plievgia impedì ina racolta pli gronda. La buna aromatica e l’aut cuntegn dal zutger empermettia però ina top-annada.
